काठमाडौँ, असार १८ – नेपाल स्टक एक्सचेञ्ज (नेप्से) आज ३४.४२ अंकले उकालो लाग्दै २,६९४.८२ विन्दुमा पुगेको छ। कुल १.२९ प्रतिशतको वृद्धिसहित बजारमा उत्साह देखिएको हो।

मंगलबारको कारोबारमा ३१७ कम्पनीका ३ करोड १ लाख ८२ हजार ३४१ कित्ता सेयर ८९ हजार ४६८ पटक किनबेच हुँदा कुल ९ अर्ब ७४ करोड ४८ लाख ४३ हजार ३७५ रुपैयाँ बराबरको कारोबार भएको छ।

आज सबै उपसमूहहरू हरियालीमा देखिए।

• जीवन बीमा समूहमा सबैभन्दा उच्च २.८३% वृद्धि भयो,

• निर्जीवन बीमा २.५१%

• विकास बैंक २.३१%

• बैंकिङ १.३६%

• वित्त १.९९%

• होटल तथा पर्यटन ०.७१%

• जलविद्युत् ०.४७%

अन्य समूहहरूको वृद्धि यस प्रकार छ:

• लगानी १.०१%,

• उत्पादन तथा प्रशोधन ०.६९%,

• लघुवित्त ०.५६%,

• व्यापार १.७६%,

• अन्य समूह ०.९१%

• म्युचुअल फण्ड ०.०६%

ग्रीन डेभलपमेन्ट बैंक र खानीखोला हाइड्रोपावर का सेयर मूल्य आज ९.९९% ले उकालो लागेर सबैभन्दा धेरै बढेका हुन्।
त्यस्तै, ९% आइसिएफसी फाइनान्स डिबेन्चर–२०८८ को मूल्य ३.३१% ले घटेर सबैभन्दा धेरै गिरावट भएको कम्पनी बन्यो।