काठमाण्डौ । साताको मध्यदिन, धितोपत्र बजारमा नेप्से परिसूचक १८.३० अंकले बढेर २८५०.३७ मा पुगेको छ। ठूला कम्पनीहरूको प्रदर्शन झल्काउने सेन्सेटिभ परिसूचक पनि २.६१ अंकले उकालो लाग्दै ४९०.१६ मा कायम भएको छ।
नेपाल स्टक एक्सचेञ्जका अनुसार, आज २ करोड ५४ लाख ३ हजार ५४० कित्ता शेयर किनबेच हुँदा ८ अर्ब ५३ करोड ७५ लाख रुपैयाँभन्दा बढीको कारोबार भएको छ।
आजको कारोबारमा सिक्लेस हाइड्रोपावर, बरुण हाइड्रोपावर, मकर जितुमाया सुरी हाइड्रोपावर, रिलायवल समृद्धि योजना र खानीखोला हाइड्रोपावर का लगानीकर्ताले उल्लेखनीय मुनाफा कमाए।
त्यसैगरी, उन्नती सहकार्य लघुवित्त, समाज लघुवित्त, सान्भी इनर्जी, मैलुङ खोला हाइड्रोपावर र नबिल डिवेञ्चर मा लगानी गर्नेहरू घाटामा परेका छन्।
आजको दिन ३१८ कम्पनीको शेयर कारोबार हुँदा १८७ कम्पनीको शेयर मूल्य बढ्यो, ६२ कम्पनीको घट्यो भने बाँकीको स्थिर रह्यो।
कारोबारका आधारमा शीर्ष स्थानमा रहेका कम्पनीहरूमा:
- लिवर्टी इनर्जी
- शिवम् सिमेन्ट
- हिमालय रिइन्स्योरेन्स
- नेपाल रिइन्स्योरेन्स कम्पनी
- युनाइटेड मोदी हाइड्रोपावर
यस दिनको कारोबारपश्चात कुल बजार पूँजीकरण ४७ खर्ब ५७ अर्ब ७६ करोड रुपैयाँ बराबर पुगेको नेप्सेले जनाएको छ।
