काठमाडौं — नेपाली सेयर बजारको सूचक नेप्से बुधबार फेरि ३ हजारको मनोवैज्ञानिक सीमा मुनि झरेको छ । अघिल्लो दिन ३००२.३८ मा रोकिएको सूचक आज ४७.९३ अंकले घट्दै २९५४.४५ मा आइपुगेको हो ।
बजार खुलेदेखि नै घट्ने प्रवृत्तिमा देखिएको नेप्से अन्तिमसम्म पनि उकालो लाग्न सकेन । आजको कुल कारोबार रकम पनि घट्दै १६ अर्ब ४४ करोड रुपैयाँमा सीमित रह्यो । अघिल्लो दिन १८ अर्ब ५२ करोड रुपैयाँ बराबरको कारोबार भएको थियो ।
आज २३ कम्पनीको सेयर मूल्य बढ्दा २२६ कम्पनीको घट्यो, बाँकी स्थिर रहे । सूचक समूहमध्ये 'अन्य' समूह मात्र ०.८५ प्रतिशतले हरियो रह्यो, जसमा नेपाल पुनर्बीमा र हिमालयन रिइन्स्योरेन्स जस्ता कम्पनीको योगदान रह्यो ।
बाँकी सबै समूह ओरालो लागेः
- विकास बैंक – ३.२७%
- माइक्रोफाइनान्स – ३.२८%
- फाइनान्स – २.७०%
- होटल तथा पर्यटन – २.१०%
- हाइड्रोपावर – १.६३%
- बैंकिङ – १.५५%
- लगानी, बीमा, उत्पादन र व्यापार – १.३२% देखि १.७६% सम्मको गिरावट
आजको बजारमा सान्भी इनर्जी र ट्रेड टावर का सेयर मूल्य १० प्रतिशतले वृद्धि भए । सान्भीको मूल्य प्रतिकित्ता ८४५.९० रुपैयाँ पुगेको छ भने ट्रेड टावरको ९४८.९० रुपैयाँ पुगेको छ ।
त्यसैगरी, समता लघुवित्त, सिक्लेस हाइड्रो र भूगोल इनर्जी पनि ३ देखि ६ प्रतिशतसम्म बढेका हुन् ।
तर ग्रिन डेभलपमेन्ट बैंक सबैभन्दा बढी ८ प्रतिशतले घट्यो, त्यसपछि कालिका पावर, सीवाईसी लघुवित्त र नाडेप लघुवित्त को मूल्यमा पनि उल्लेखनीय गिरावट देखियो ।
अाज सबैभन्दा बढी कारोबार भएका कम्पनीहरुः
- हिमालयन रिइन्स्योरेन्स
- हिमालयन डिस्टिलरी
- शिवम् सिमेन्ट
- ग्रिन भेन्चर्स
- नेपाल पुनर्बीमा
