काठमाडौं । राष्ट्रिय स्वतन्त्र पार्टी रास्वपाले आज पार्टी स्थापनाको तेस्रो दिवस मनाउँदैछ ।
‘लुटतन्त्रको खारेजी एवं सुसंस्कृत राजनीतिको संवद्र्धनका लागि सडक र संसदमा’ भन्ने मूल नारासहित देशव्यापी अभियान सञ्चालन गरी रास्वापाले आफ्नो स्थापना दिवस मनाउन लागेको हो ।
पार्टीका संस्थापक सभापति रवि लामिछाने सहकारी ठगी सम्बन्धी मुद्दामा पुर्पक्षका लागि जेल चलान भएसँगै रास्वपाले सभापतिको अनुपस्थितीमा स्थापना दिवस मनाउने तयारी गरेको छ ।
पार्टी स्थापनाको छोटो अवधिमा प्राप्त उपलब्धी र नागरिकको भारोसा कायम गर्नेगरि आगामी दिनमा सुशासन र वेथितिको विरुद्धमा थप संघर्ष गर्नुपर्ने अवस्था रहेको कार्यवहाक सभापति डोलप्रसाद अर्यालले बताए ।
पार्टी सभापति लामिछानेमाथि राजनीतिक प्रतिशोध राखिएको भन्दै सरकारसँग रुष्ट बनेको सो पार्टीले आजदेखि प्रतिशोधका विरुद्ध हस्ताक्षर अभियान समेत सुरु गर्ने तयारी गरेको छ ।
