काठमाडौँ । नेपाल प्रहरीको ३२औं महानिरीक्षक (आइजीपी)मा चन्द्रकुवेर खापुङ नियुक्त भएका छन् । शुक्रबार बसेको मन्त्रिपरिषद्को बैठकले खापुङलाई नयाँ प्रहरी महानिरीक्षकमा नियुक्त गर्ने निर्णय गरेको हो ।
हाल प्रहरीको केन्द्रीय अनुसन्धान ब्यूरो (सीआईबी) प्रमुखका रूपमा कार्यरत अतिरिक्त महानिरीक्षक खापुङ भदौ १८ गतेदेखि महानिरीक्षकको जिम्मेवारी सम्हाल्नेछन् ।
तेह्रथुममा जन्मिएका ५५ वर्षीय खापुङ सन् २०५२ सालमा नेपाल प्रहरी सेवामा प्रवेश गरेका हुन् । उहाँले यसअघि प्रधानमन्त्रीको सुरक्षा प्रमुख, प्रहरी प्रधान कार्यालयको कर्मचारी प्रशासन प्रमुख, काठमाडौं उपत्यका अपराध महाशाखा प्रमुख तथा कोशी प्रदेश प्रहरी प्रमुखको जिम्मेवारी सम्हालिसकेका छन् ।
हाइटीमा संयुक्त राष्ट्रसंघीय मिसनमा दुई पटक सेवा गरेका खापुङले इटाली, कोरिया, भियतनाम र चीनबाट विभिन्न सुरक्षासम्बन्धी तालिमसमेत लिएका छन् ।
