काठमाडौँ । राष्ट्रिय स्वतन्त्र पार्टी (रास्वपा) का केन्द्रीय सदस्य डा. अरनिको पाँडेलाई अदालतले थप चार दिन हिरासतमा राखेर अनुसन्धान गर्न अनुमति दिएको छ। जिल्ला अदालत काठमाडौंले बिहीबार पाँडेविरुद्ध दायर मुद्दामा अनुसन्धानका लागि म्याद थप गरेको हो।

पाँडे बुधबार एक महिलालाई सामाजिक सञ्जालमार्फत गालीगलौज गरेको आरोपमा पक्राउ परेका थिए। पीडित महिलाले दिएको उजुरीका आधारमा साइबर ब्यूरोले उनलाई नियन्त्रणमा लिएको हो।

पर्यावरणविद् पाँडे २०७९ साल भदौमा रवि लामिछाने नेतृत्वको रास्वपामा प्रवेश गरेका थिए। साथै, रास्वपा सरकारमा सहभागी भएको बेलामा २०८० सालमा उनी राष्ट्रिय योजना आयोगको सदस्यसमेत बनेका थिए।