हुम्लाको सिमकोटमा जिप घरमा ठोकिँदा चालक घाइते

काठमाण्डौ । हुम्ला सदरमुकाम सिमकोटमा बुधबार दिउँसो जिप दुर्घटना भएको छ। सिमकोटस्थित काठेचुलीमा लु.प्र–०१–००१ज०२८२ नम्बरको जिप ब्रेक फेल भएर घरमा ठोकिँदा चालक घाइते भएका छन्।
प्रहरीका अनुसार जिप सिमकोटबाट तल्लो गाउँतर्फ जाँदै गर्दा ब्रेक फेल भएर सिमकोट गाउँपालिका–५ का पदम रावतको घरमा ठोकिएको हो। दुर्घटनामा खार्पुनाथ गाउँपालिका–१ का चालक तीलक ऐडी घाइते भएका छन्।
उनको आँखा र माथिल्लो ओठमा सामान्य चोट लागेको छ भने जिल्ला अस्पतालमा उपचार भइरहेको प्रहरीले जनाएको छ। दुर्घटनाको समयमा गाडीमा चालक मात्र थिए।
जिप घरमा ठोकिँदा रावतको घरको माथिल्लो तलाको एक कोठा पूर्ण रूपमा क्षति भएको प्रहरी निरीक्षक जङगबहादुर सिंहले जानकारी दिए। उनका अनुसार घरको ढोका सहित एकतर्फको पूरै भित्तो भत्किएको छ।
प्रकाशित मिति: बुधबार, भदौ ११, २०८२ १६:२३
प्रतिक्रिया दिनुहोस्