विधायन समिति बैठक बस्दै, यी विषयमा हुँदैछ छलफल
काठमाण्डौ – संघीय संसदअन्तर्गतको विधायन व्यवस्थापन समितिको बैठक आज दिउँसो २:३० बजे बस्ने भएको छ। संसद सचिवालयका अनुसार बैठकमा ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१’ को मस्यौदा प्रतिवेदनबारे छलफल हुनेछ।
सो विधेयक २०८१ पुस २३ गते राष्ट्रियसभामा दर्ता गरिएको हो। प्रस्तावित विधेयकअनुसार जैविक वा निर्जीव वस्तु, लिखत, प्रमाण, भौतिक सामग्री तथा विद्युतीय उपकरणजस्ता अनुसन्धानसँग सम्बन्धित वस्तुको वैज्ञानिक परीक्षणका लागि राष्ट्रिय विधि विज्ञान प्रयोगशाला स्थापना गरिनेछ।
विधेयकमा प्रयोगशालाको स्थापना, उद्देश्य, सञ्चालक समितिको संरचना, कार्य, अधिकार तथा परीक्षणसम्बन्धी प्रक्रिया स्पष्ट गरिएको छ। साथै कार्यकारी निर्देशक र कर्मचारी नियुक्ति, कोषको व्यवस्था, लेखापरीक्षण लगायतका प्रावधानसमेत समावेश छन्।
प्रकाशित मिति: सोमबार, भदौ ९, २०८२ ०९:०६
प्रतिक्रिया दिनुहोस्
थप समाचार
साताको लोकप्रीय
