Banner Nepal
विभिन्न स्थानमा सडक अवरुद्ध

 

काठमाडौं । सुक्खा पहिरो खसेपछि पटक पटक अवरुद्ध हुँदै आएको नारायणगढ–मुग्लिन सडकखण्ड फेरि अवरुद्ध भएको छ । चितवनको तुइनखोलामा आज बिहाने ढुंगासहितको पहिरो खसेपछि सडकखण्ड दुइतर्फी नै अवरुद्ध भएको हो ।

सडक अवरुद्ध भएसँगै लामो र छोटो दुरोका सवारीसाधन बाटोमै रोकिएका छन् । काठमाडौंबाट गएका र मुग्लिनहुँदै काठमाडौं आउदै गरेका सवारी साधन बाटोमा रोकिएका हुन् ।

सडक खुलाउन इलाका प्रहरी कार्यालय मुग्लिनको विपद् व्यवस्थापन टोलीले स्काभेटर प्रयोग गरेर पहिरो पन्छाउने काम सुरु गरेको छ । त्यस्तै,हेटौँडा–काठमाडौं जोड्ने कान्तिलोकपथ सडक पनि अवरुद्ध भएको छ ।

मकवानपुरको भीमफेदीको भ¥याङडाँडामा वर्षासँगै ढुङ्गा माटोसहितको पहिरो खस्दा सडक अवरुद्ध भएको हो ।
 

प्रकाशित मिति: शनिबार, भदौ ७, २०८२  १३:१६
प्रतिक्रिया दिनुहोस्
Weather Update