काठमाडौं । वर्षा जारी रहेकाले जोखिम बढ्न सक्ने भन्दै विपि राजमार्गमा रातिको समयमा यातायात सञ्चालनमा रोक लगाइएको छ । बाढी, पहिरो जस्ता प्राकृतिक विपद्को जोखिम कायमै रहेको भन्दै जिल्ला प्रशासन कार्यालय काभ्रेपलाञ्चोकले आगामी भदौं १५ गतेसम्मका लागि राति सवारी चलाउन निषेध गरिएको जनाएको छ ।

कार्यालयका अनुसार काभ्रेभञ्ज्याङ्–भकुन्डेबेशी हुँदै सिन्धुली तर्फ जाने सार्वजनिक र निजी सवारी साधन सञ्चालनमा प्रतिबन्ध लगाइएको हो । जिल्ला प्रशासन कार्यालयले यात्रु र सरोकारवालालाई सूचना सार्वजनिक गर्दै राति सडक प्रयोग नगर्न अनुरोध गरेको छ ।