काठमाडौं, असार २७ – नेपाल राष्ट्र बैंकले नयाँ मौद्रिक नीति सार्वजनिक गरेको छ। नीतिमा कर्जा प्रवाहलाई बढाउने, ब्याजदर घटाउने र साना व्यवसाय तथा कृषिलाई प्राथमिकता दिइएको छ।

मुख्य बुँदाहरू:

• निजी क्षेत्रमा कर्जा प्रवाह १२ प्रतिशतले बढाइनेछ

• बैंकदर ६.५ प्रतिशतबाट घटाएर ६ प्रतिशत बनाइएको छ

• नीतिगत ब्याजदर ५ बाट घटाएर ४.५ प्रतिशत कायम

• पहिलो घर खरिद वा निर्माणका लागि कर्जा सीमा २ करोडबाट ३ करोड

• सेयर धितो कर्जाको सीमा १५ करोडबाट बढाएर २५ करोड

• १० लाखसम्मको कृषि वा सानो व्यवसाय कर्जा सजिलै पाइने व्यवस्था

• ३ करोडसम्म प्रवाह भएको कर्जा साना तथा मझौला उद्यममा गणना गरिनेछ

• डिजिटल बैंक (नियो बैंक) खोल्न कानुनी तयारी सुरु गरिनेछ

• विदेश यात्राका लागि डलर सटही सीमा २५०० बाट बढाएर ३००० बनाइयो

• वैदेशिक रोजगारमा जाने महिलाका लागि ५ लाखसम्म धितोबिनाको कर्जा उपलब्ध हुने

• चेक बाउन्स भएकै आधारमा कालो सूचीमा पर्ने नियममा सहजीकरण गरिने

• लघुवित्तले दिने लाभांशको सीमा फेरबदल गरिने सम्भावना

• गैरबैंकिङ सम्पत्ति व्यवस्थापन गर्न नयाँ कम्पनी खोल्ने तयारी

यो नीतिले ब्याज घटाएर कर्जा प्रवाह बढाउने, साना व्यवसाय र कृषिमा लगानी बढाउने र डिजिटल बैंकिङतर्फ मार्ग खुलाउने उद्देश्य राखेको छ।