काठमार्डौ । सर्लाहीको बरहथवामा दुईपक्षबीच भएको झडप नियन्त्रण लिने क्रममा प्रहरी निरिक्षकसहित तीन जना घाइते भएका छन् । झडपमा इलाका प्रहरी कार्यालय बरहथवामा कार्यरत प्रहरी निरीक्षक दीवाकर गणेशसहित तीन जना घाइते भएका हुन् ।

खैराटोलमा बाटो विस्तार गर्ने क्रममा बिहान दुई पक्षबिच झडप भएको थियो । प्रहरीले झडप नियन्त्रणमा लिन एक राउन्ड हवाई फायर गरेको थियो । घटनास्थलमा अहिले इलाका प्रहरी कार्यालय बरहथवाबाट प्रहरी नायब उपरीक्षक (डिएसपी) को नेतृत्वमा र सशस्त्र प्रहरीको समेत गरी ठुलो संख्यामा प्रहरी तैनाथ गरिएको छ ।

झडप नियन्त्रणमा आइसकेकाले अवस्था सामान्य बन्दै गएको जिल्ला प्रहरी कार्यालय सर्लाहीले जनाएको छ । घाइतेलाई उपचारका लागि अस्पताल लगिएको छ ।