स्थानीय बजारमा सुनचाँदीको मूल्यमा निरन्तर उतारचढाव देखिँदै आएको छ। पछिल्ला दुई दिनयता सुनको भाउ बढेसँगै चाँदीको मूल्यमा पनि वृद्धि भएको छ।
नेपाल सुनचाँदी व्यवसायी महासङ्घका अनुसार गत शुक्रबार प्रतितोला २ लाख ६७ हजार ८०० रुपैयाँमा कारोबार भएको छापावाल सुन आज बढेर प्रतितोला २ लाख ७० हजार ६०० रुपैयाँ पुगेको छ। यस अवधिमा सुनको मूल्य प्रतितोला २ हजार ८०० रुपैयाँले बढेको हो।
त्यसैगरी, चाँदीको मूल्य पनि उकालो लागेको छ। शुक्रबार प्रतितोला ४ हजार ७८० रुपैयाँ रहेको चाँदी आज बढेर ४ हजार ९९० रुपैयाँ कायम भएको छ, जसअनुसार दुई दिनमा प्रतितोला २१० रुपैयाँ वृद्धि भएको छ।
अन्तर्राष्ट्रिय सञ्चार माध्यमहरूका अनुसार आज अन्तर्राष्ट्रिय बजारमा एक औँस सुन ४ हजार ५२४ अमेरिकी डलर र चाँदी ८० अमेरिकी डलरमा कारोबार भइरहेको छ।