काठमाण्डौ — प्रभु बैंकका प्रमुख कार्यकारी अधिकृत (सीईओ) अशोक शेरचनलाई बैंकिङ कसुर आरोपमा केन्द्रीय अनुसन्धान ब्युरो (सिआइबी)ले आइतबार पक्राउ गरेको छ। सिआइबीका एसएसपी शिवकुमार श्रेष्ठका अनुसार बैंकलाई हानीपुर्‍याउने गरी कर्जा दुरुपयोग गरिएको आशंकामा उनी पक्राउ परेका हुन्। श्रेष्ठका भनाइमा घटनासम्बन्धी विस्तृत विवरण संकलन गर्ने प्रक्रिया जारी छ।

यसअघि पनि सोही बैंकसम्बद्ध पूर्वशेयरधनी तथा लेखा शाखाका कर्मचारी हेमकुमार महाजु ठगी, आपराधिक विश्वासघात र आपराधिक लाभसम्बन्धी मुद्दामा पक्राउ परेका थिए। महाजुमाथि हुण्डी कारोबारमा संलग्न रहेको आरोप सामेल थियो।