काठमाण्डौ — नेपाली कम्युनिस्ट पार्टीका सहसंयोजक माधवकुमार नेपालले आफ्नो दलको एकताले राजनीतिक वृत्तका कतिपय पक्षहरू असजिलो बनेको टिप्पणी गर्नुभएको छ। बुधबार ‘मातृभूमि जागरण अभियान’ समाहित कार्यक्रममा बोल्दै उहाँले एकता अभियानले नेपालको राजनीतिमा नयाँ उर्जा र तरंग ल्याएको बताउनुभयो।
पूर्वप्रधानमन्त्री नेपालले नेकपा एमाले अध्यक्ष केपी शर्मा ओलीलाई लक्षित गर्दै, कम्युनिस्ट आन्दोलनका केही घटकहरूको “होस् हवास गुमेको” अभिव्यक्ति दिनुभयो। उहाँले गालीगलौजको बाटो नअपनाई धन्यवाद दिने प्रस्ताव पारित गर्न सुझाव दिंदै भने, “हाम्रो एकताले तपाईंहरूको घाउमा मल्हम लगाउने काम गर्छ।”
नेपालले एकता अभियानलाई निरन्तर अगाडि बढाउने प्रतिबद्धता जनाउँदै कम्युनिस्ट आन्दोलनलाई एकजुट बनाएर देशको स्थायित्व र प्रगतिमा योगदान पुर्याउने विश्वास व्यक्त गर्नुभयो।
कार्यक्रममा मातृभूमि जागरण अभियानका प्रतिनिधिहरूले नेपाल र उनका सहकर्मीहरूलाई कम्युनिस्ट एकता पहलका लागि धन्यवाद ज्ञापन गरेका थिए।
