अमेरिकी रक्षा मन्त्रालयले प्रशान्त महासागरमा रहेका एक शङ्कास्पद लागुऔषध डुङ्गामाथि अमेरिकी सेनाले हमला गरेको पुष्टि गरेको छ। बीबीसीका अनुसार, उक्त घटनामा दुई जनाको मृत्यु भएको छ भने अमेरिकी पक्ष सुरक्षित रहेको जनाएको छ।

रक्षा मन्त्री पीट हेगसेथले घटनाबारे जानकारी दिँदै अमेरिकी सेनालाई कुनै क्षति नपुगेको स्पष्ट पारे। उनका अनुसार, सो डुङ्गा अमेरिकी खुफिया एजेन्सीहरूको निगरानीमा रहेको र अन्तर्राष्ट्रिय जलक्षेत्र हुँदै मादक पदार्थको ठूलो खेप लिएर गइरहेको आशंका गरिएको थियो।

यो घटना सेप्टेम्बर २ यता शङ्कास्पद लागुऔषध डुङ्गाहरूमा अमेरिकी सेनाद्वारा गरिएको आठौँ कारबाही हो। तर प्रशान्त क्षेत्रभित्र भएको यो पहिलो सैन्य हमला भएको बताइएको छ।