काठमाण्डौ । गोरखाको सहिद लखन गाउँपालिकास्थित मनकामना माई मन्दिर जाने प्रमुख यातायात सुविधा मनकामना केबलकार आजदेखि तीन दिनका लागि बन्द गरिएको छ ।

केबलकारका व्यवस्थापक उज्ज्वल शेरचनका अनुसार असोज १५ देखि १७ गतेसम्म सेवा बन्द रहने र असोज १८ गतेदेखि पुनःनियमित रूपमा सञ्चालनमा आउने छ ।

नेपालको पहिलो केबलकारका रूपमा सञ्चालनमा आएको मनकामना केबलकारलाई देशभरका तीर्थयात्री तथा पर्यटकहरूको आकर्षण मानिन्छ । यसमार्फत भक्तजनले गोरखाको ऐतिहासिक तथा धार्मिक महत्त्व बोकेको मनकामना मन्दिर सहज रूपमा पुग्ने गरेका छन् ।