काठमाण्डौ – प्रधानमन्त्री केपी शर्मा ओलीले प्रहरीलाई कानून कार्यान्वयनमा निष्पक्ष र मानवअधिकारमैत्री व्यवहार अपनाउन निर्देशन दिएका छन्। उनले प्रहरीलाई लोकतान्त्रिक अभ्यासमा विश्वास राख्दै राणा शासन वा पञ्चायती कालमा जस्तो कसैलाई झुठा मुद्दामा नफसाउन र यातना नदिन कडाइका साथ आग्रह गरेका हुन्।

प्रधानमन्त्री ओलीले प्रहरी संगठनलाई मुलुकको लोकतान्त्रिक मूल्य र मान्यतासँगै मानवअधिकारको सम्मान गर्दै काम गर्नुपर्नेमा जोड दिए। उनले भने, “प्रहरी राज्य र जनताबीचको संवेदनशील कडी हो। त्यसैले कसैलाई जबर्जस्ती मुद्दामा नफसाइयोस्, यातना दिने जस्तो अमानवीय अभ्यास तत्काल बन्द गरियोस्।”

उनले प्रहरीको काम अपराध नियन्त्रण र शान्ति–सुरक्षामा सीमित हुनुपर्ने उल्लेख गर्दै राजनीतिक दबाब वा शक्ति प्रयोग गरेर अनुचित कार्य नगर्न पनि सचेत गराए।