Banner Nepal
ग्लोबल रिच ‘अष्ट्रेलियन एजुकेसन फेयर’ २०२५ आगामी शुक्रबार काठमाडौंमा

काठमाडौं – अष्ट्रेलियामा उच्च शिक्षा हासिल गर्ने इच्छुक नेपाली विद्यार्थीका लागि आगामी शुक्रबार राजधानीमा अष्ट्रेलियन एजुकेसन फेयर २०२५ आयोजना हुने भएको छ। ग्लोबल एजुकेसन सर्भिसेज प्रालि (ग्लोबल रिच)को आयोजनामा हुने उक्त मेला होटल याक एन्ड यतिमा बिहान ११ बजेदेखि दिउँसो ४ बजेसम्म सञ्चालन हुनेछ।

आयोजकका अनुसार मेलामा ३० भन्दा बढी अष्ट्रेलियन विश्वविद्यालयका प्रतिनिधि सहभागी हुनेछन्। विद्यार्थीहरूले ३ हजारभन्दा बढी शैक्षिक कार्यक्रमबारे प्रत्यक्ष जानकारी लिन पाउनेछन्। साथै, शतप्रतिशतसम्म छात्रवृत्ति अवसर, व्यक्तिगत करियर तथा शैक्षिक परामर्श सेवाको सुविधा पनि उपलब्ध हुनेछ।

मेला निःशुल्क रहनेछ भने दर्ता गर्ने विद्यार्थीलाई IELTS शुल्कमा ५० प्रतिशत छुट र विभिन्न उपहारको व्यवस्था गरिएको छ। ग्लोबल रिचका नेपाल अपरेसन को–अर्डिनेटर रितु बजाज गोयन्काका अनुसार संस्थाले विश्वका पाँच भन्दा बढी विश्वविद्यालयको प्रतिनिधित्व गर्दै आएकाले यो मेला अन्य शैक्षिक कार्यक्रमभन्दा फरक हुनेछ।

ग्लोबल रिचले भदौ १ गते पोखरा, २ गते चितवन, ३ गते बुटवल, ५ गते बिर्तामोड र ६ गते ललितपुरको कुमारीपाटीमा  शैक्षिक मेला आयोजना गर्ने जनाएको छ।

ग्लोबल एजुकेसन सर्भिसेजले विगत १७ वर्षदेखि शैक्षिक तथा करिअर परामर्श सेवा प्रदान गर्दै आएको छ।

प्रकाशित मिति: सोमबार, साउन २६, २०८२  १९:४५
प्रतिक्रिया दिनुहोस्
Weather Update