काठमाण्डौ, साउन २५ — धनकुटा नगरपालिका–८ टेकुनालामा आइतबार बिहान पिकअप दुर्घटना हुँदा २१ जना घाइते भएका छन्। टेकुनालाबाट बजारतर्फ जाँदै गरेको को.२ च.२३०९ नम्बरको पिकअप करिब साढे १० बजे दुर्घटनाग्रस्त भएको हो।
जिल्ला प्रहरी कार्यालय धनकुटाका प्रमुख प्रहरी उपरीक्षक शरतकुमार थापा क्षेत्रीका अनुसार घाइतेमध्ये अधिकांश धनकुटा र आसपासका बस्तीका बासिन्दा रहेका छन्। उनीहरूमा सविना डङ्गोल (१४), चन्द्र भक्त डङ्गोल (६४), हरिबहादुर डङ्गोल (३५), गुणराज श्रेष्ठ (६२), मोहन डङ्गोल (७२), रेणुका राई (४५), राम श्रेष्ठ (२७), जितबहादुर राई (३८), निशु लिम्बू (१६), रिमा डङ्गोल (१५), राजन राई (२२), अतिस राई (२४), प्रकाश श्रेष्ठ (२४), रोजिन डङ्गोल (१८), रोनिया श्रेष्ठ (१२), रमेश कर्मचार्य (५६), शिव श्रेष्ठ (१६), सविना डङ्गोल (१४), रोनिता श्रेष्ठ (१५), रिमा डङ्गोल (१७) र रितेश डङ्गोल (१३) छन्।
दुर्घटनापछि सबै घाइतेलाई तत्काल उद्धार गरी जिल्ला अस्पताल धनकुटा ल्याइएको थियो। प्रहरीका अनुसार घाइतेमध्ये तीनजनाको अवस्था गम्भीर रहेकाले धरानस्थित बिपि कोइराला स्वास्थ्य विज्ञान प्रतिष्ठानमा पठाइएको छ। दुर्घटनाको कारण खुल्न बाँकी रहेको र घटनाबारे थप अनुसन्धान भइरहेको जनाइएको छ।
