काठमाण्डौ । हिमालयन ह्वाइटहाउस इन्टरनेशनल कलेज (HWIC) मा नवगठित रोटर्याक्ट क्लब अफ HWIC ले आफ्नो पहिलो सामाजिक सेवा कार्यक्रम अन्तर्गत ‘एक मुठ्ठी माया, एक छाक भोजन’ शीर्षकमा पशुपतिनाथ क्षेत्र वरपर खाद्य वितरण कार्यक्रम सम्पन्न गरेको छ।

उक्त कार्यक्रम लियो क्लब अफ काठमाडौं युनाइटेड ब्राइट सँग सहकार्यमा आयोजित गरिएको थियो। कार्यक्रम अन्तर्गत १०८ भन्दा बढी खाना प्याकेट जरुरतमन्द व्यक्तिहरूलाई वितरण गरियो भने ३०० भन्दा बढी बिस्कुट प्याकेट पशुपतिनाथ क्षेत्रका सडक कुकुर तथा बाँदरहरूलाई खुवाइएको थियो।

रोटर्याक्ट क्लबको संरचना रोटर्याक्ट क्लब अफ पाटन वेस्ट को संरक्षकत्वमा गरिएको हो। क्लबको अध्यक्षता बायोटेक्नोलोजी अन्तिम वर्षका विद्यार्थी बिश्वास थापा (RTR Bishwash Thapa) ले गरिरहेका छन्।

कार्यक्रममा क्लब सदस्य, विद्यार्थी तथा लियो क्लब प्रतिनिधिहरूको सक्रिय सहभागिता रह्यो। सहभागीताले खाना प्याकिङ, व्यवस्थापन र वितरणमा नेतृत्वदायी भूमिका निर्वाह गरेका थिए।

यस सेवामूलक कार्यको सफलतामा प्रायोजक संस्थाहरूको योगदान महत्त्वपूर्ण रह्यो।

प्रमुख प्रायोजकहरू

• महाराज दीपकनाथ योगी
• रिग्बी इन्टरप्राइजेज
• कालेसु कन्स्ट्रक्सन प्रा.लि.
• थापा मेडिकल हल
• नेहा खाजा घर

कार्यक्रमको ब्यानर लियो क्लब अफ काठमाडौं युनाइटेड ब्राइट ले प्रदान गरेको थियो।

रोटर्याक्ट क्लब अफ HWIC ले यो कार्यक्रमलाई सामाजिक उत्तरदायित्वप्रति प्रतिबद्ध युवा पुस्ताको पहिलो कदम मानेको छ। क्लबले आगामी दिनहरूमा पनि नेतृत्व विकास, सामाजिक जागरुकता र समुदाय सेवामुखी कार्यक्रमहरू निरन्तर रुपमा अघि बढाउने प्रतिबद्धता जनाएको छ।